అయోమయం!!

నీ స్టీరింగ్ నీ చేతిలొనే!
అది లాక్కునే ధైర్యం ఎవరికైనా ఉందెమో!!
నాకు మాత్రం లేదు!

ఎందుకంటే అది లైఫ్ స్టీరింగ్ అని తెలుసు
నువ్వే కాకుండా నీతో పాటు
అమ్మా నాన్న 'వగైరా' ఉన్నారనీ తెలుసు
'వగైరా' లో నీమీద నమ్మకం ఉన్నవాళ్ళందరూనూ
అందుకే! నాకు మాత్రం ఆ ధైర్యం లేదు

స్టీరింగ్ నీ చెతిలొనే ఉంది
ఆలోచించుకో!
ఎటు వెళ్ళదలచుకున్నవో
ఎటు వెళ్తున్నావో
అసలు వెళుతున్నావో లేదో!

మొదలెట్టకుండానే స్టీరింగ్ తిప్పుతూ
బాగానే నడుపుతున్నాననుకుంటున్నావో
ఇప్పటికి ఇదే బావుందనుకుంటున్నావో
పరిస్థితులని తప్పించుకు తిరుగుతున్నావో!!

నింపాదిగా నడిపి
గమ్యం చేరదామనుకుంటే పర్లేదు
అసలు నడపకుంటేనే సమస్యంతా!

ఎందుకు వ్రాసానంటే: ఇది ఒక స్నేహితుడిని ఉద్దేశించినది. కానీ, తీరా ఒకసారి చదువుకున్నాక ఎందుకో నా మనసు చివుక్కుమంది. తరచి చూస్తే ఇది నా గురించే...! మా అన్నయ్య నాతో అన్న మాటలన్నీ ఇందులో ప్రతిఫలించాయని...!!